Azərbaycan millisi Xorvatiya üzərində qələbə qazanarsa, mükafat alacaq.

Axar.az xəbər verir ki, AFFA futbolçularımıza mükafat vəd edib. Bəzi məlumatlara görə, bu, düz 3 milyon avrodur. Bu pulun futbolçu və məşqçi heyəti, həmçinin yığmanın digər işçiləri arasında bölüşdürüləcəyi yazılıb.

AFFA-nın İnformasiya və İctimaiyyətlə Əlaqələr Departamentinin rəisi Mikayıl Nərimanoğlu APA-ya deyib ki, mükafat nəzərdə tutulsa da, deyilən məbləğ yalandır: "Bəli, qalibiyyətə görə mükafat nəzərdə tutulub. Lakin 3 milyon avro şişirdilmiş rəqəmdi".

Qeyd edək ki, Azərbaycan – Xorvatiya oyunu sentyabrın 3-ü "Bakcell Arena"da keçiriləcək. Görüş saat 21:00-da başlayacaq.