İngiltərə Premyer Liqasının 36-cı turunun “Nottingem Forest” – “Lester” oyunundan (2:2) sonra qalmaqal baş verib.

Axar.az Teleqraf-a istinadən xəbər verir ki, meydan sahibləri elitanı tərk etməyi dəqiqləşən komanda ilə oyunda vacib 2 xal itirib. Yerli azarkeşlər önündə “Lester”i uda bilməyən “Nottingem”in Çempionlar Liqasına (ÇL) vəsiqə şansı azalıb.

Gözlənilməz xal itkisi klubun yunanıstanlı sahibi Evangelos Marinakisin səbr kasasını daşırıb. O, matçdan dərhal sonra meydana daxil olaraq, portuqaliyalı baş məşqçi Nuno Espirito Santonu möhkəm danlayıb.

Qeyd edək ki, sona 2 tur qalmış “Nottingem Forest” 62 xalla 7-ci yerdədir. Klub “Lester”i məğlub etsə, hərəyə 63 xalı olan “Çelsi” və “Aston Villa”nı qabaqlayaraq, ÇL-ə vəsiqə verən 5-ci pilləyə yüksələcəkdi.