Ana səhifə Kult |
Amerikanın məşhur yazarı Devid Selincerin ölümündən əvvəl yazdığı və heç yerdə nəşr etmədiyi üç əhvalat (hekayə) virtual aləmə sızdırılıb.
"Axar.az"ın məlumatına görə, "Çovdarlıqda uçurumdan qoruyan" adlı məşhur romanın müəllifinin ölümündən sonra çap edilən hekayələrin ona məxsus olması yazıçının araşdırmaçısı olan Kennez Slavenski tərəfindən təsdiqlənib.
O, açıqlamasında bildirib ki, hər üç hekayənin tərzi Selincerin qələmi ilə uyğun gəlir. Həmin hekayələr isə bunlardır: "Paula", "Birthday Boy" (Ad günü oğlanı) və "The Ocean Full of Bowling Balls" (Bolinq toplarıyla dolu okean).
Qeyd edək ki, Selincerin vəsiyyətində hekayələrin onun ölümündən ən tez 50 il sonra yayılacağı bildirilir. Hesablamalara görə, 2010-cu ildə dünyasını dəyişən 91 yaşlı yazarın hekayələri 2060-cı ilə qədər gizli saxlanılmalı idi.
Tarix
2013.12.02 / 22:58
|
Müəllif
Fatimə İbrahimova
|