Mayın 17-dən 24-dək Bakıda VIII Beynəlxalq Mstislav Rostropoviç festivalı keçiriləcək.
 

Axar.az xəbər verir ki, festivalın açılış mərasimi mayın 17-də Müslüm Maqomayev adına Azərbaycan Dövlət Filarmoniyasında Üzeyir Hacıbəyov adına Azərbaycan Dövlət Simfonik Orkestrinin çıxışı ilə başlanacaq. Orkestrin bədii rəhbəri və baş dirijor xalq artisti Rauf Abdullayevdir.

Mayın 19-da filarmoniyada "Təkcə caz deyil", 22-də isə "Rusiyanın parlayan ulduzları" adlı konsert proqramı təşkil olunacaq. Festivalın bağlanış mərasimi may ayının 24-ü olacaq.

Qeyd edək ki, Mstislav Rostropoviç əvəzolunmaz violençel ifaçısı, dirijor olmaqla yanaşı, həm də ictimai xadim, insan hüquq və azadlıqlarının fəal müdafiəçisi kimi tanınırdı.