Altıncı rəng – Boz
"Bir abzas – yeddi rəng" layihəsində Aqil Abbasdır:
"Dolu" romanı ilə.
Yazar Şəhriyar del Gerani:
- Kim nə deyir desin, həyat həqiqətləri göstərir ki, xarakter
olmadan ciddi nə isə yaratmaq sadəcə mümkün deyil. Dediyim bu:
Komandir obrazını yaratmaq təkcə istedad hadisəsi deyil, həm də
xarakter hadisəsidir. Olsun kifayət qədər subyektiv yanaşım, ancaq
gərək yazıçının ilk öncə bədii sinir sistemi narahat olsun. Aqil
Abbas "bədii nervi"si həmişə oyaq olan biridir. Mənə görə,
"Dolu"nun ən mühüm tərəfi işıqlı olmasıdır. Bilmirəm bu detalı
məndən qabaq deyən olub, yoxsa yox: Komandirin döyüşü uduzduğu
şəhərə dönməsi səhnəsindən danışıram. Bir növ uşaqlıq vərdişi kimi
suya əl atıb balıq tutmaq istəyir. Di gəl, balığı tutsa da, onu
çıxarda bilmir. Əvəzində balıq onu çəkib aparır ta dərinliklərə.
"Oddan qalar, sudan qalmaz" deyiminə aldanmayın. Bütün məqamlarda
su - aydınlıqdı. İnsanlara baxmayın, balıqlar adamı heç vədə bəd
yerlərə aparıb çıxartmazlar. Razılaşmadığım yeganə məqam
hadisələrin mahiyyətinin əsas etibarilə müəllif təhkiyəsi üstündə
çatdırılmasıdır. Düzdü, əsərin dil təfəkkürü, dil qatları,
cümlələrin bəhri-təbil ahəngi yazıçını az-çox xilas eləyir. Mənim
bir oxucu kimi istəyim isə belədir: sən hadisəni yaz, mahiyyəti
mənə burax. Vəssəlam.
Əvvəlki abzaslar:
Şərif Ağayardan Aqil Abbasa – Bir Abzas. Birinci rəng -
Ağ
Qan Turalıdan Aqil Abbasa – Bir Abzas. İkinci rəng -
Qırmızı
Kənan Hacıdan Aqil Abbasa – Bir Abzas. Üçüncü rəng –
Yaşıl
Həmid Piriyevdən Aqil Abbasa – Bir Abzas. Dördüncü rəng –
Mavi
İkinci
Mahmuddan Aqil Abbasa – Bir Abzas. Beşinci rəng –
Sarı