ABŞ Prezidenti Donald Trampdan Ukraynaya “Tomahavk” qanadlı raketlərinin tədarükü ilə bağlı rədd cavabı almamışam.

Axar.az xəbər verir ki, bunu Ukrayna Prezidenti Vladimir Zelenski deyib.

“Tramp müzakirə etdiyimiz bəzi şeyləri Ukraynaya verə bilər. Onlar, şübhəsiz ki, Ukraynanı gücləndirə bilər, bəzi şeylər bizim üçün çox vacibdir. Bu məsələni ilk dəfə keçən payızda müzakirə etdik. Trampın prezidentliyə namizədliyi dövründə Nyu Yorkda bu məsələni qaldırdım. İndi son görüşümüzdə də “yox” eşitmədim. Eşitdim ki, texniki müstəvidə işləyəcəklər və bu imkanı nəzərdən keçirəcəklər”, - Zelenski bildirib.

Zelenski əlavə edib ki, “Tomahavk” raketləri ilə bağlı məsələni Bayden administrasiyası zamanı da qaldırmış, lakin o zaman rədd cavabı almışdı.