İsrail regionda mövcudluğunu davam etdirdiyi müddətcə Hizbullah silahlarını təslim etməyəcək və lazım olsa, hər şeyi riskə atacaq.

Axar.az xəbər verir ki, bu sözləri Hizbullah siyasi bürosunun üzvü Qalib Əbu Zeynəb bildirib.

Əbu Zeynəb İsrailin hələ də Livan ərazilərini işğal etdiyini, onun hava məkanını pozduğunu və mülki insanları hədəfə aldığını vurğulayaraq bu şəraitdə silahı yerə qoymağın ölkənin təhlükəsizliyini riskə atacağını deyib.

Bundan əlavə, o keçmişdə ABŞ və İsrail dairələrinin irəli sürdüyü tərksilah təkliflərini tənqid edərək bu yanaşmanın Livanın maraqlarına zidd olduğunuda qeyd edib.