Rusiyadan Avropaya qaçan çeçenləri ölkələrində heç kim sıxışdırmır.

Axar.az xəbər verir ki, bunu jurnalistlərə açıqlamasında Çeçenistan lideri Ramzan Kadırov söyləyib. Onun sözlərinə görə, bu şəxsləri, ümumiyyətlə, Çeçenistanda heç kim tanımır:

"Onların tam azad şəkildə hərəkət etmə hüquqları var. Miqrasiya normal prosesdir. Mən burada dəhşətli heç nə görmürəm. Qoy getsinlər. Onların arxasınca bu situasiyanı aydınlaşdırmaq üçün öz adamlarımı da göndərmişəm. Onların heç biri niyə getdiklərini açıqlaya bilmirlər. Əgər onlara həqiqətən kömək lazım idisə, mən arxalarınca onları evə gətirəcək texnika göndərməyə hazır idim".

Qeyd edək ki, son günlər Rusiyadan Avropaya axın edənlərin sayı artıb. Bu ilin ilk altı ayı ərzində Rusiyadan Avropaya qaçan şəxslərin 82%-ni çeçenlər təşkil edib.