ABŞ Senatı Səudiyyə Ərəbistanını 11 Sentyabr teraktı ilə əlaqədar məhkəməyə verilməsinə imkan yaradan qanun layihəsini qəbul edib.

Axar.az xəbər verir ki, Senatda qanun layihəsinin lehinə 97, əleyhinə isə 1 səs verilib. Bu layihə sayəsində 11 Sentyabr teraktının zərərdidələri Ər-Riyadı asanlıqla məhkəməyə verə biləcəklər.

Qeyd edək ki, bundan öncə Nümayəndələr Palatası da eyni qanun layihəsini qəbul edib. Lakin sonradan ABŞ Prezidenti Barak Obama bu qanun layihəsinin ölkənin milli maraqlarına zidd olduğunu əsas gətirərək ona veto qoyub.

Səudiyyə Ərəbistanı bu məsələ ilə bağlı ABŞ-ı şantaj edir. Ər-Riyad bu layihə qəbul olunacağı təqdirdə ABŞ-dakı 750 milyard dollarlıq aktivlərini satışa çıxaracağını bəyan edib.