Beynəlxalq Valyuta Fondunun Minsk qarşısında qoyduğu tələblər ədalətsizdir.

Axar.az xəbər verir ki, bunu jurnalistlərə açıqlamasında Belarus Prezidenti Aleksandr Lukaşenko söyləyib. Onun sözlərinə görə, BVF Minskdən maaşların qaldırılmasını dayandırmağı, kommunal tarifəri artırmağı tələb edir:

"Məndən tələb edirlər ki, BVF rəhbəri Kristin Laqardın adına məktub yazım. Bu istək mənim xalqa verdiyim vədlərlə uzlaşmır. Bu, təkcə mənim üçün yox, xalqımız üçün də təhqirdir".

Qeyd edək ki, Belarus bundan öncə BVF-yə kredit almaq üçün müraciət edib. BVF isə bunun qarşılığında rəsmi Minskin qarşısında reformlar keçirilməsi şərtini qoyub.