Rusiya rəhbərliyinin hazırkı hədəfləri və siyasətinin köklərini SSRİ və ya Rusiya çarlığında axtarmaq lazımdır.

Axar.az xəbər verir ki, bunu jurnalistlərə açıqlamasında ABŞ Milli Kəşfiyyatının rəhbəri Ceyms Klepper söyləyib. Onun sözlərinə görə, Putin hazırda böyük Rusiya, böyük güc haqqında düşünür:

"Onun üçün ən vacib olan məqam Rusiyaya ABŞ kimi yanaşılmasıdır. O, qlobal güc olmaq istəyir. Mən Suriyada uçuşa qadağan olunan zona yaradılacağı təqdirdə Rusiyanın ABŞ təyyarələrini vurmasına təəccüblənmərəm. Onlar Suriyada çox güclü raketdən müdafiə sistemləri yerləşdiriblər. Ruslar bunu etmək istəməsəydi, bu sistemləri Suriyaya gətirməzdilər".