Rusiyanın Qara Dəniz Donanmasına aid "Admiral Qriqoroviç" gəmisi Aralıq dənizinə daxil olub.

Axar.az xəbər verir ki, gəmi "Kalibr-NK" qanadlı raketləri ilə təchiz olunub.

Rusiya mətbuatının məlumatına görə, gəmi "Admiral Kuznetsov" təyyarədaşıyan gəmisinin rəhbərlik etdiyi qrupun tərkibinə daxil olacaq.

Qeyd edək ki, bir müddət əvvəl Rusiyanın "Admiral Kuznetsov" təyyarədaşıyan gəmisi ilə bərabər, 3 sualtı qayıq Suriya sahillərinə göndərilmişdi. İngiltərənin "Tayms" qəzeti Rusiya Prezidenti Vladimir Putinin Hələbə həlledici zərbə vurmaqla bağlı əmr verdiyini və gəmilərin də məhz bu səbəbdən Suriya sahillərinə göndərildiyini yazmışdı.