Mənim beynəlxalq təzyiqlərdən ən xırda bir qorxum, narahatlığım yoxdur. Mənim üçün əsas olan millətimdir.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Qərb ölkələrinin təzyiqinə münasibət bildirərkən deyib.

Onun sözlərinə görə, həbs olunan HDP-çi deputatlar Türkiyənin beynəlxalq aləmdə nüfuzuna xələl gətirməyə cəhd ediblər:

"Toxunulmazlıqdan sonra məclisə, dövlətə, millətə, məhkəməyə meydan oxuyan, hətta təhqir edən bu adamların məqsədi Türkiyəni beynəlxalq aləmdə pis vəziyyətə qoymaqdır. Mənim beynəlxalq təzyiqlərdən ən xırda bir qorxum, narahatlığım yoxdur. Mənim üçün əsas millətimdir".

Qərb bizim üçün nə vaxt xeyrli yuxu görüb? Görməyib. 53 il Avropa Birliyinin qapısında gözləyən Türkiyə üçün Qərbdən nə gözləməliyik? Özümüzü aldatmayaq. Biz öz göbəyimizi, özümüz kəsəcəyik. Artıq bizim üçün "O nə deyər, bu nə deyər", deyə bir anlayış yoxdur".