Fransanın eks-prezident Nikolya Sarkozi erməni icmasının nümayəndələri ilə görüşüb.

Axar.az xəbər verir ki, görüşdə çıxış edən Fransadakı Erməni Təşkilatları Koordinasiya Şurasının sədri Ara Toranyan Sarkoziyə Qarabağ konflikti haqqında məlumat verib.

O, həmçinin, Fransadakı erməni icmasının Türkiyənin Avropa Birliyinə üzvlüyünün əleyhdarı olduğunu bildirib. Sarkozi isə öz növbəsində bu fikrə dəstəyini ifadə edib və qondarma erməni soyqırımını tanıdığını bildirib:

"Dünyada dörd genosid olub. Bunlar "erməni soyqırımı", Holokost, kambocalıların genosidi və tutsilərin genosididir. Bunların inkarı özünüifadə yox, cinayətdir. Mən "erməni soyqırımı"nı inkar edənlərin cinayət məsuliyyətinə cəlb edilməsi haqqında qanun layihəsini müdafiə edənlərdən biri olmuşam. Rəqiblərim Alen Jüpe və Fransua Fiyon buna qarşı idilər. Mən Ollanddan fərqli olaraq Türkiyənin Avropa Birliyinə üzvlüyünün əleyhinəyəm".