00:57

Türkiyə Böyük Millət Məclisində Konstitusiyaya dəyişikliklər layihəsinin 5-ci maddəsi qəbul edilib.

Axar.az xəbər verir ki, 343 millət vəkili maddənin lehinə səs verib. 3 səs etibarsız sayılıb.

CHP və HDP-nin iştirak etmədiyi səsvermədə 7 deputat maddənin əleyhinə səs verib.

5-ci maddə sırf parlamentin fəaliyyətini məhdudlaşdırmağı nəzərdə tutur. Böyük etirazla qarşılanan maddə nazirlərin və Nazirlər Kabinetinin yoxlanılmasını parlamentdən alınmasını nəzərdə tutur.

Qeyd edək ki, səsvermədən öncə, müzakirə zamanı parlamentdə dava düşüb.

CHP-çilər parlamentin kürsüsünü ələ keçirib. Bundan sonra hakim AKP-dən olan deputatlar CHP-çiləri kürsüdən uzaqlaşdırmağa çalışıblar. İki partiyanın millət vəkilləri arasında yaranan davada bir neçə nəfər yaralanıb.