Ukrayna Minsk razılaşmasını heçə sayaraq, günahı Rusiya və Donbas xalqının üzərinə atmaq istəyir.

Axar.az xəbər verir ki, bu açıqlama ilə Rusiya Xarici İşlər naziri Sergey Lavrov çıxış edib.

“Ukrayna hökuməti və şəxsən Pyotr Poroşenko Minsk razılaşmasını basdırmaq istəyir. Bunu elə etmək istəyirlər ki, günahı Rusiyanın və Ukraynanın şərqindəki insanların üzərinə atmaq mümkün olsun. Poroşenko Minsk müqaviləsindən sonra məsuliyyətsiz siyasətçi kimi davranmağa başladı”, - XİN rəhbəri bildirib.

Xatırladaq ki, 2015-ci ilin fevral ayının 11-12-də Belarusun paytaxtı Minskdə Normandiya dördlüyü (Rusiya, Ukrayna, Almaniya, Fransa) tərəfindən əldə edilən razılaşmada Ukraynanın şərqində aktiv hərbi əməliyyatların dayandırılması, humanitar yardımların bu bölgəyə çatdırılması və atəşkəs elan edilməsi nəzərdə tutulurdu.

Lakin müqavilədə əksini tapan müddəaların böyük bir qismi hələ də yerinə yetirilməyib.