PJAK-ın hücumuna görə Türkiyə məsuliyyət daşıyır.

Axar.az xəbər verir ki, bu sözləri İran Təhlükəsizlik İdarəsinin Sərhəd Mühafizəçiləri komandanı Qasım Rzayi deyib.

O bildirib ki, terrorçuların hücumuna sərt qarşılıq veriləcək:

“Diplomatik mənbələr vasitəsilə məsələni diqqətdə saxlayırıq. Artıq ilkin addımlar atılıb”.

Dünən axşam Türkiyə sərhədində PJAK terrorçuları ilə atışmada 2 İran hərbçisi həyatını itirib.

Qeyd edək ki, PJAK kürd millətçiləri tərəfindən yaradılıb. Bu, həm də PKK-nın İran qanadı hesab edilir. Terror təşkilatı 2009-2011-ci illərdə İran ordusunun apardığı aktiv hərbi əməliyyatlardan sonra xeyli zəifləyib. PJAK Türkiyə, ABŞ və İran tərəfindən terror təşkilatı kimi tanınır.