Türkiyənin Qars vilayətində yaşayan azərbaycanlı üzərində “Hero” (Qəhrəman) yazısı olan köynək geyindiyi üçün ölkədən deportasiya edilib.

Axar.az xəbər verir ki, sözügedən şəxs əvvəlcə polis tərəfindən saxlanılıb. Daha sonra ifadəsi alınıb və deportasiya edilib.

Qeyd edək ki, “Hero” kəliməsinin FETÖ şəbəkəsinin xüsusi sətiraltı mesajlarından olduğu iddia edilir. Belə ki, Ərdoğana sui-qəsd cəhdində təqsirli bilinən şəxslərin məhkəmədə “Despair and Heroes” (Ümidsizlik və Qəhrəmanlar) yazısı olan köynəklər geyinməsindən sonra onlarla şəxs həbs edilmişdi.