Cənubi Koreyanın müxalifətdə olan Koreya Azadlıq Partiyasının rəhbəri Xon Yen Pxe ABŞ-a səfərə gedir.

Axar.az xəbər verir ki, bunu jurnalistlərə açıqlamasında Pxenin özü söyləyib. O, ABŞ-a xüsusi missiya ilə getdiyini bildirib:

“Bu gün mən ABŞ-a gedirəm. Səfər zamanı mən ABŞ nümayəndələrinə Cənubi Koreya xalqının Şimali Koreyanın nüvə problemi haqqında nə düşündüyü haqqında informasiya verəcəyəm. Səfər zamanı həmçinin ABŞ nüvə silahlarının yenidən Cənubi Koreyaya qaytarılması barədə müzakirələr aparacağam” – deyə o bildirib.

Qeyd edək ki, ABŞ Cənubi Koreyadan nüvə silahlarını 1990-cı illərin əvvəlində çıxarıb.