HƏMAS BMT-nin təklif etdiyi 24 saatlıq atəşkəs təklifini qəbul etsə də, İsraildən hələ də cavab verilməyib.

Axar.az xəbər verir ki, Fələstin tərəfi bayram səbəbi ilə atəşkəsi qəbul etdiklərini bəyan edib. İsrailə yaxın mənbələrin verdiyi məlumatda isə bildirilir ki, İsrailə təklif edilən atəşkəs razılığı müzakirə edilir. Bağlı qapılar arxasında reallaşan yığıncaqda Netanyahunun təklifi rədd etdiyi irəli sürülüb.

İsrail tərəfindən verilən rəsmi açıqlamada bildirilir ki, BMT-nin təklif etdiyi 24 saatlıq atəşkəsin qəbul edilib-edilməyəcəyi barədə hökumətin apardığı müzakirələrdən sonra cavab veriləcək.