Ukrayna Prezidenti Pyotr Poroşenko Türkiyə Prezidenti Ərdoğanla telefon danışığı zamanı Krımdakı seçkiləri tanımamağa çağırıb.

Axar.az xəbər verir ki, məlumat Ukrayna liderinin mətbuat xidməti tərəfindən yayılıb. Məlumatda Ukrayna prezidentinin suverenliyini və ərazi bütövlüyünü daim dəstəklədiyinə görə Türkiyə Prezidentinə təşəkkür etdiyi bildirilib.

"Krım Ukraynanındır və biz Türkiyənin ənənəvi dəstəyinə ümid edirik".

Qeyd edək ki, ötən gün Türkiyə Xarici İşlər Nazirliyi Krımın Rusiyaya birləşdirilməsinin 4-cü ildönümü ilə bağlı bəyanat yayıb. Bəyanatda Krımdakı mövcud hakimiyyətin tanınmadığı, Ukraynanın ərazi bütövlüyünə dəstək ifadə edilib.