İranın qərbindəki Kürdistan vilayətində silahlı şəxslərlə İran İslam İnqilabı Keşikçiləri Korpusunun (SEPAH) hərbçiləri arasında toqquşma yaşanıb.

Axar.az xəbər verir ki, bunu İRNA agentliyinə açıqlamasında İran polisinin rəsmi nümayəndəsi Rza Mirzəyi deyib. O, tərəflər arasında iki saatlıq atışmanın Mervan kəndi yaxınlığında baş verdiyini bildirib.

Nəticədə SEPAH-ın 11 hərbçisi həlak olub, 8-i isə yaralanıb. Hələlik insidentə görə heç bir təşkilat məsuliyyəti üzərinə götürməyib.

Qeyd edək ki, bundan öncə də Mervan kəndində SEPAH-la kürdlərin PEJAK terror təşkilatı arasında toqquşmalar yaşanıb.