Vaşinqtonun İraq və Suriyada İŞİD-ə qarşı mübarizədə quru qoşunlardan istifadə etməyəcəyi və yalnız hava zərbələri ilə kifayətlənəcəyinə dair mövqeyi dəyişməyəcək.

Axar.az RİA Novosti-yə istinadla bildirir ki, bu barədə Ağ Evin nümayəndəsi Coş Ernest məlumat verib. ABŞ Hava Qüvvələri qərargahları komitəsinin sədri Martin Dempsi Senatdakı dinləmələrdə bildirib ki, o, ABŞ hərbi məsləhətçilərinin İŞİD əleyhinə döyüş əməliyyatlarında istirakını inkar etmir.

"General Dempsinin iradlarından aydın olduğu kimi, o, hipotetik ssenarini nəzərdə tutub. Bu ssenariyə görə, elə bir durum yarana bilər ki, o, quru qoşunlarının istifadəsinə dair prezidentə taktiki zəmanət verə bilər".

Ernestin bəyannaməsini Ağ Evin mətbuat xidməti yayımlayıb. Onun sözlərinə görə, general vəzifəsinə görə qabaqcadan müəyyən edilməmiş hallarda planlaşdırılmaya görə məsuliyyət daşıyır. Ağ Evin nümayəndəsi həmçinin qeyd edib ki, ABŞ prezidentinin İŞİD-ə qarşı mübarizədə quru qoşunlarından istfadə etməyəcəyinə dair qərarı dəyişməzdir.

Xatırladaq ki, ABŞ prezidenti Barak Obama bir neçə gün əvvəl İŞİD terrorçu qruplaşması ilə mübarizə planını açıqlayıb.