Ermənistan Prezidenti Armen Sərkisyanın sərəncamı ilə Müdafiə Nazirliyinin idarə rəisi Norayr Yolçyan vəzifəsindən azad edilib.

Axar.az xəbər verir ki, bu barədə Ermənistan prezidentinin rəsmi saytında informasiya dərc edilib.

“Ermənistanın Baş nazirinin təklifini əsas kimi götürərək, Müdafiə Nazirliyinin arxa cəbhə idarəsinin rəisi Norayr Yolçyanı vəzifəsindən azad edirəm”, - nazirin adından yayılan məlumatda deyilib.

Xatırladaq ki, 2013-cü ildə Ermənistan Müdafiə Nazirliyinin arxa cəbhə idarəsinin rəisi təyin edilən və kriminal hərbi-siyasi rejimin rəhbəri Serj Sərkisyana yaxın münasibətləri ilə tanınan polkovnik Norayr Yolçyanın adı artıq bir neçə dəfə müxtəlif qalmaqallarda hallanıb. O, Ermənistan ordusunda baş vermiş korrupsiya hallarına görə tez-tez mətbuatın gündəmində olur.