Ukraynanın keçmiş prezidenti
və hazırda Rusiyada yaşayan Viktor Yanukoviç içki mübtəlalığına
giriftar olub.
Axar.az xəbər verir ki, bu
barədə Ukraynada yayımlanan "Şuster Layv" verilişində jurnalist
Dmitri Qordon deyib.
"Yanukoviç depressiyadadır. O, indi Soçidə özünün villasında
oturub və davamlı olaraq içir", - Qordon bildirib.
Jurnalist həmçinin, Yanukoviçlə Putinin administrasiya rəhbəri
arasında Moskva ətrafında görüşündən də danışıb.
"Mən bilirəm ki, Moskvada yaşayanda onun yanına Prezident
Putinin administrasiya rəhbəri Sergey İvanov gəlmişdi. Yanukoviç
onu xələtdə qarşıladı və əmrlər verdi. Bundan sonra İvanov Putinin
yanına qayıtdı və ona dedi: "Məni bir də onun yanına göndərməyin.
Başa düşmürəm ki, qonaq kimdi: o, yoxsa biz". Yanukoviç
depressiyadadır. Hətta onun rəhbərinə də çatıb ki, o, tarixi planda
nələr törədib", - Qordon bildirib.