1915-ci il hadisələrinin 100-cü ildönümünün yaxınlaşdığı bir vaxtda Ermənistan beynəlxalq ictimaiyyət qarşısında Türkiyəni çətin vəziyyətdə qoyacaq addım atmağa hazırlaşır.

Axar.az xəbər verir ki, Ermənistan Milli Arxivi 1915-ci il hadisələrində öldürülən 300 min erməninin adını müəyyən etdiyini və bu iddaları beynəlxalq məhkəməyə təqdim edəcəyini açıqlayıb.

Bununla bağlı məlumatı Ermənistanın "Mediamax" saytı yayıb.

Ermənistan Milli Arxiv İdarəsinin direktoru Amatuni Virabyan beynəlxalq məhkəmədə Türkiyəyə qarşı cinayət işi açmaq üçün kifayət qədər soyqırım sənədi olduğunu deyib.

Virabyan soyqırım qurbanlarının adlarını siyahıya almağa çalışdıqlarını, 1.5 milyonun yox, 300 minə qədər adın ictimaiyyətə açıqlanacağını bildirib:

"Növbəti illərdə soyqırıma dair bütün arxiv sənədlərini yayımlamaq istəyirik. Eyni zamanda soyqırımdan xilas olan 100 adamın xatirələrini də yayımlayacağıq".