Rusiyanın Tümen vilayətinin Kazan məhkəməsi ehtiyatsızlıqdan öz dostunu güllələyən “Mayak” aqrikompleksinin rəhbəri Vladimir Taşlanovla bağlı qərar verib.

Axar.az xəbər verir ki, Taşlanov ehtiyatsızlıqdan ölümə səbəbolma maddəsilə təqsirli bilinib.

Məhkəmə onu 100 min rubl dəyərində cərimələyib.

Qeyd edək ki, 2018-ci ildə biznesmen 2 dostu ilə birlikdə ova gedib. Ova atəş açan zaman Taşlanov ehtiyatsızlıqdan dostunu vurub. İstintaq sübut edib ki, Taşlanov atəş zamanı təhlükəsizlik texnikası qaydalarına riayət etməyib, mərminin uçuş məsafəsini ölçməyib və istiqamət dəyişdirmək imkanlarını düzgün qiymətləndirməyib.

Məhkəmə hadisə zamanı xəsarət alan şəxsə ilkin yardım göstərməsini və mərhumun ailəsinə dəymiş ziyanı ödəməsini yüngülləşdirici hal kimi qəbul edib.