ABŞ-ın Texas Universiteti məşhur yazıçı Qabriel Qarsia Markesin şəxsi arxivini alıb.

Axar.az xəbər verir ki, arxivə Markesin kitablarından başqa onun orijinal surətləri də daxildir. Bunlar arasında yazarın dünya şöhrətli "Yüz ilin tənhalığı" kitabının da əlyazması var.

Kolumbiya Mədəniyyət naziri Mariana Qarses arxivlərin ABŞ-dakı universitetə satılmasının ölkəsinin itkisi olduğunu deyib. Aprel ayında 87 yaşında ölən yazarın ailəsi isə hökumət nümayəndələrindən heç kimin onlardan arxivi istəmədiyini deyib.

50 illik arxivin içində Markesin Qraham Qrin, Qunter Qras və Karlos Fuentes kimi yazarlarla apardığı yazışmalara aid məktublar da var.

Yazarın Fidel Kastro ilə yaxın dostluğuna aid parçalar da arxivdə yer alır. Arxiv universitetin Harri Ransom Mərkəzində saxlanılacaq.