20:36

Tiflisdə parlamentin binası önündə növbəti etiraz aksiyası başlayıb.

Axar.az xəbər verir ki, altıncı gündür keçirilən aksiyanın tələbləri elan olunub.

Aksiyaçılar Daxili İşlər naziri Georgi Qaxariyanın istefası və Tiflisdə iyunun 20 və 21-də saxlanılan etirazçıların hamısının azadlığa buraxılmasını tələb edirlər.

Müxalif “Güc birlikdədir” birliyinin liderləri də parlamentin ətrafına toplaşıb. Onlar parlamentin Vahid Milli Hərəkat Partiyasından olan deputatı Nika Melianın həbsi ilə bağlı Baş Prokurorluğun qərarına etirazlarını bildiriblər.

Əraziyə polis əməkdaşları və təcili tibbi yardım maşınları cəlb olunub.

***

Mitinq iştirakçılar növbəti dəfə Rustaveli prospektini bağlayıblar.

Bu barədə “İmedi TV” məlumat yayıb.

Mitinq təşkilatları bunu etirazçıların sayının çoxalması ilə əlaqələndirib.

***

Gürcüstanın keçmiş prezidenti Giorgi Marqvelaşvili də etiraz aksiyasına qoşulub.

O, xalqın yanında olduğunu bildirib:

“Hakimiyyət xalqın tələblərini nəzərə almalıdır”.