Ana səhifə Planet |
Rusiya son bir neçə ayda hərbi texnikalara texniki yardım göstərən mütəxəssislərini Venesueladan çıxarıb.
Axar.az xəbər verir ki, bu barədə məlumatı öz Feysbuk səhifəsində Rusiyanın Venesueladakı səfirliyi yayıb.
“Venesuela ilə hərbi-texniki sahədə müqaviləyə əsasən bu ölkədə texniki yardım göstərən rusiyalı mütəxəssislər iyunun 26-da İl-62 təyyarəsi ilə Karakasdan Moskvaya qayıdıblar”, - məlumatda bildirilib.
Qeyd edək ki, cari ilin yazında Rusiya Karakasa 99 hərbi mütəxəssis göndərmişdi. Venesuelaya gələn nümayəndə heyətinə o zaman Rusiya Quru Qoşunlarının Baş Qərargah rəisi Vasili Tonkoşkurov rəhbərlik edirdi. Moskvanın belə davranışı az sonra Vaşinqtonun kəskin reaksiyasına səbəb olmuş, Ağ Ev Kremli Venesuelanın daxili işlərinə müdaxilədə ittiham etmişdi.
Tarix
2019.06.27 / 09:22
|
Müəllif
İlkin Həsənov
|