Rusiya Ukrayna məsələsini Venesuelanın hesabına həll etməyə cəhd edib.

Axar.az xəbər verir ki, bunu ABŞ Prezidenti Donald Trampın impiçmenti ilə bağlı dinləmələrdə çıxışı zamanı ABŞ Milli Təhlükəsizlik Şurasının Avropa və Avrasiya məsələləri üzrə keçmiş baş direktoru Fiona Hill deyib. Onun sözlərinə görə, ABŞ-ın Ukraynaya münasibətdə kölgə siyasətinin formalaşması Venesuelada iğtişaşların davam etdiyi dövrdə başlayıb:

“Bu anda ruslar bizə aydın siqnal verdilər ki, hansısa qəribə razılaşma ilə onlar Venesuelanı Ukrayna ilə əvəz etmək istəyirlər. Onların hadisələrlə bağlı öz versiyaları var idi. Onlar deyirdilər ki, siz özünüz bizim həyətimizə - Ukraynaya daxil olmusunuz. ABŞ Milli Təhlükəsizlik Şurası mənə bu razılaşmanın qəbuledilməz olmasıyla bağlı məlumatın Rusiyaya ötürülməsi üçün tapşırıq verdi”.