Pakistan Baş nazirinin xarici işlər və milli təhlükəsizlik məsələləri üzrə müşaviri Sartaj Əziz nazir Elmar Məmmədyarova təşəkkür məktubu göndərib.

Xarici İşlər Nazirliyinin mətbuat xidmətindən Axar.az-a verilən məlumata görə, Xarici İşlər naziri Elmar Məmmədyarovun Pakistanın Peşavar vilayətində məktəbdə 2014-cü ilin 16 dekabr tarixində törədilmiş terror hücumları ilə əlaqədar ünvanlandığı başsağlığı məktubuna cavab olaraq Pakistan İslam Respublikasının Baş nazirinin xarici işlər və milli təhlükəsizlik məsələləri üzrə müşaviri Sartaj Əziz təşəkkür məktubu göndərib.

Məktubda qeyd edilir:

"Bu çətin zamanda qardaş Azərbaycanın göstərdiyi dəstək və həmrəyliyin məlum hadisələr zamanı həlak olanların ailələləri və Pakistan xalqı üçün güc və təsəlli mənbəyidir. Terror aktı zamanı həlak olanların yaxınlarına və yaralananlara Azərbaycanın yardım təklifini yüksək qiymətləndirirəm. Hər iki xalqın ehtiyac duyulan anlarda bir-birinin yanında olduqlarına əminəm".