ABŞ son zamanlar strateji sabitlik və beynəlxalq təhlükəsliz məsələlərində Rusiyanı pozucu tərəf olaraq göstərməyə çalışır.

Axar.az xəbər verir ki, bu sözləri Rusiya Xarici İşlər nazirinin müavini Sergey Ryabkov ABŞ tərəfinin peyklərlə bağlı şikayətinə cavabında deyib. O bildirib ki, Rusiya uzun müddətdir kosmosda hücum xarakterli silahların yerləşdirməsini qadağan edən beynəlxalq müqavilə üzərində çalışır:

“Amerikalılar istənilən növ fəaliyyətimizlə bağlı müxtəlif ittihamlar səsləndirir”.

Qeyd edək ki, ABŞ generalı Raymond Rusiyanın iki peykinin ABŞ casus peykini izlədiyini və bundan narahat olduqlarını açıqlamışdı.