Yeni Zelandiya hökuməti ölkədə koronavirus pandemiyasının bitdiyini elan edib.

Axar.az xəbər verir ki, ölkə üzrə ötən gün sadəcə 1 nəfərdə virusun simptomları aşkarlanıb.

Bildirilir ki, sabahdan etibarən tibbi xidmətlər və təhsil sahəsindəki bəzi məhdudiyyətlər aradan qaldırılacaq. Eyni zamanda, restoranlar və tikinti materialı satan mağaza kimi bəzi kiçik müəssisələr də fəaliyyətini bərpa edəcək.

Buna baxmayaraq, universitetlər, ticarət mərkəzləri və izdiham təşkil edən yerlər bağlı olacaq.

Hələlik sərhədlərin də bağlı qalacağı bildirilib.

Qeyd edək ki, Yeni Zelandiyada bu günə kimi 1469 nəfər koronavirusa yoluxub, 19 nəfər isə həyatını itirib.