Myanma Pakistandan Çin istehsalı olan "JF-17 Thunder" çoxfunksiyalı qırıcılarını alacaq.

Axar.az xəbər verir ki, bu barədə informasiyanı Rusiya mətbuatı yayıb.

İddiaya görə Myanma kifayət qədər ucuz olan bu təyyarələri almaqla bərabər onların öz ərazisində istehsalını da təşkil etmək istəyir.

Qeyd edək ki, Myanma bundan öncə MİQ-29 təyyarələrini almaq niyyətində idi. Ekspertlər onun Çin qırıcılarını Rusiya təyyarələrinin yerinə seçməsini onların qiymətinin daha ucuz olmasıyla əlaqələndiriblər.

Onu da xatırladaq ki, Myanmadan öncə Banqladeş və Tacikistan da MİQ-29 təyyarələrinin yerinə Çin istehsalı olan JF-17 Thunder qırıcılarını seçmişdilər.