Qətər 2012-ci ildə Yəmən ordusunu üsyana təşviq etmək və Əbdülrəbbu Mənsur Hadinin prezident seçilməsinin qarşısını almaq üçün 250 milyon dollar xərcləyib.

Axar.az xəbər verir ki, bu barədə Vikiliksin Səudiyyə Ərəbistanına aid yayımladığı gizli sənədlərdə əks olunub.

Qətər xaos yaratmaq üçün 250 milyon dolları Müsəlman Qardaşlarının Yəmən qolunun lideri multimilyoner Şeyx Hamid əl-Əhmara ödəyib.

Lakin Şeyxin bütün cəhdləri uğursuz olub və Əbdülrəbbu Mənsur prezident seçilib. Həmin dövrdə Qərbdə Yəməndə xaos yaratmaq istəyən şəxsin sabiq prezident Əli Abdullah Salehi olduğu iddia edilirdi.

Qeyd edək ki, Şeyx Hamid Husilərin iqtidarı ələ keçirməsindən sonra ölkədən qaçıb.