Biz sizi kreditorlar tərəfindən Yunanıstana qarşı keçirilən terrora "yox" deməyə səsləyirik.

Axar.az xəbər verir ki, bunu Avropanın sərt iqtisadi tələblərinə qarşı çıxan fəalların keçirdiyi aksiyaya qoşulan Yunanıstanın Baş naziri Aleksis Çipras deyib.

Çipras çıxışı zamanı xalqı Avropada ləyaqətli həyat sürməyə çağırıb:

"Bu gün burada toplaşmaqla onlar cəsarəti və qətiyyətlərini nümayiş etdiriblər. Referendumda təkcə Yunanıstanın Avropada qalması məsələsi yox, həm də yunanların Avropada öz mənlik hisləri ilə yaşamaları məsələsi də həll olunur. Referendumdan çıxan qərardan asılı olmayaraq, iyulun 5-i demokratiyanın qələbəsi günü olacaq".

Aksiya zamanı fəallarla təhlükəsizlik qüvvələri arasında qarşıdurma yaşanıb. Təhlükəsizlik qüvvələri səs qumbaraları ilə aksiyanı dağıtmağa çalışıb.

Qeyd edək ki, sabah Yunanıstanda referendum keçiriləcək.