Polşa ordusu içində 300 ton qızıl olduğu iddia edilən faşist qatarının axtarışına çıxıb.

Axar.az xəbər verir ki, bu barədə Müdafiə Nazirliyi məlumat verib. Nazirliyin sözçüsü Jacek Sonta lazımı təchizatlarla axtarışa başlayacaqlarını bildirib:

"Hərbi mütəxəssislər yaxın günlərdə qatarın olduğu yeri təyin etmək üçün işə başlayacaq".

Lakin Polşanın Aşağı Sileziya bölgəsinin valisi Tomas Smorlarz qızıl dolu qatarların olmasını təkzib edib. Onun fikrincə, Valbrix bələdiyyəsinin arxivində olan sənədlərə görə, tonlarla qızılın bölgədə saxlanılması qeyri-mümkündür. Vali ayrıca, qatarların radar görüntülərinin də həqiqətə uyğun olmadığını iddia edib.

Xatırladaq ki, Polşa rəsmiləri İkinci Dünya müharibəsi dövründə faşistlərin qaçırmaq istədiyi 300 ton qızılı məhz burada gizlətdiyini iddia edir.