Suriya məsələsində Çin özünün qəbul etdiyi doktrinasına əsasən hərəkət edir və heç bir beynəlxalq oyunçu ilə birbaşa konfliktə girmir.

Axar.az xəbər verir ki, bunu Çin Xarici İşlər Nazirliyinin rəsmi nümayəndəsi Xun Ley jurnalistlər üçün keçirdiyi mətbuat konfransında söyləyib. Onun sözlərinə görə, Çin onun strateji maraqlarına zidd olan təşəbbüslərin də qarşısını almaqdan çəkinmir. Ley həmçinin mətbuat konfransında Çinin Suriya böhranından çıxış üçün beş prinsipini də səsləndirib:

"Birincisi, problem gərək siyasi yollarla həll edilsin. Hərbi metodlar situasiyadan çıxış demək deyil. İkincisi, Suriyanın gələcəyi və siyasi dəyişikliklər suriyalılar tərəfindən müəyyən edilməlidir. Üçüncüsü, daxili siyasi prosesləri inkişaf etdirib, açıq dialoqa başlamaq lazımdır. Dördüncüsü, Suriyada ümumxalq barışığı əldə olunmalıdır. Sonuncusu isə bundan ibarətdir ki, Suriya və digər qonşu ölkələrə mütləq humanitar yardım edilməlidir".