Hazırda bütün növ raketlərin ciddi çatışmazlığı ilə üzləşirik. Ukrayna öz ehtiyatlarının böyük bir hissəsini tükədib.

Axar.az xəbər verir ki, bunu ukraynalı ekspert Konstantin Krivolap deyib.

“Ukraynada hazırda təkcə ballistik təhdidlərin qarşısını almaq üçün deyil, həm də adi hava hədəflərini vurmaq üçün raketlər çatışmır. Reaktiv mühərrikli "Şahid" dronları da problemi daha da ağırlaşdırıb. Bu dronların təxminən 80%-i qırıcı təyyarələrin köməyi ilə vurulmalıdır. Bu isə o deməkdir ki, Ukrayna AİM-9 və AİM-120 raketlərindən istifadə edir və onların ehtiyatları da sürətlə tükənir”, - ekspert bildirib.