Avropanın Azərbaycana marağının artmasını ilk növbədə, 2022-ci ildən sonra geosiyasi və iqtisadi vəziyyətin dəyişməsi ilə izah edərdim. Avropa enerji təchizatı mənbələrini şaxələndirməkdə, alternativ nəqliyyat marşrutlarını inkişaf etdirməkdə, Cənubi Qafqaz və Mərkəzi Asiya ilə əlaqələri möhkəmləndirməkdə maraqlıdır.

Axar.az xəbər verir ki, bu fikri Avrasiya Milli Universitetinin əməkdaşı, politoloq Janat Momınkulov Azərtac-a müsahibəsində deyib.

“Azərbaycan Xəzər və Qara dənizlər arasında mühüm coğrafi mövqeyə malikdir, enerji ehtiyatları və nəqliyyat infrastrukturu ilə seçilir.

Prezident İlham Əliyevin Avropa tərəfdaşları ilə praqmatik dialoq qurmağa yönəlmiş ardıcıl diplomatik fəaliyyəti də mühüm rol oynayır. Avropanın Azərbaycana artan marağı, həm də Avropa dövlətlərinin konkret strateji maraqları ilə bağlıdır”, - o qeyd edib.