Hazırda Türkiyə milli komandası çətin bir dövrdən keçir, amma inşallah, hər şey əvvəlki kimi olacaq.

Axar.az xəbər verir ki, bunu Türkiyə Futbol Federasiyasının prezidenti İbrahim Hacıosmanoğlu Fransa ilə matçdan əvvəl “TRT Spor”a açıqlamasında deyib.

O qeyd edib ki, uşaqlar çox böyük nailiyyətlər əldə ediblər:

“Ümid edirəm ki, Allahın izni ilə Fransa ilə matç bu uğursuz seriyanı qələbə seriyasına çevirəcək. Hazırda çətin bir dövrdən keçirik, amma inşallah, hər şey əvvəlki kimi olacaq. İstədiyimiz qolları vura bilmirik, əvəzində isə çox asanlıqla qol buraxırıq. Buna da bir çarə tapacaqlar. Belçika matçında məyus olduq, qalib gələ bilərdik”.

Qeyd edək ki, Türkiyə millisi UEFA Millətlər Liqasının A Liqasının I qrupunda keçirdiyi 5 oyunun hamısında məğlub olaraq xalsız şəkildə sonuncu - 4-cü pillədə qərarlaşıb. Qardaş ölkə komandası növbətini matçını Fransa yığmasına qarşı keçirəcək.