Belarus əhalisi dəyişikliklərdən qorxur, ona görə də seçkidə stabilliyə səs verirlər.

Axar.az xəbər verir ki, bunu jurnalistlərə açıqlamasında Litvanın Xarici İşlər naziri Linas Linkyaviçyus deyib. Onun sözlərinə görə, Belarus əhalisi dəyişikliyin nə gətirəcəyindən xəbərsizdir:

"Onların yaşayış tərzi minimal səviyyədədir. Əhali hələ bilmir ki, bu, yaxşı və ya pis olacaq. Belarusda pozitiv dəyişikliklər müşahidə edilir. Minsk Rusiyadan asılıdır və Qərblə münasibətlərdə balans saxlamağa çalışır. Biz Belarusun Cənubi Osetiya və Abxaziyanı tanımamasını, Krımı dəstəkləməməsini və Rusiyanın Qərbə qarşı sanksiyalarına qoşulmamasını dəyərləndirməliyik. Bu addımların hamısı ideal olmasa da, pozitivdir".