Misirdə parlament seçkilərinin birinci mərhələsi keçirilir. Axar.az xəbər verir ki, seçkilər 2 gün davam edəcək.

Səsvermənin birinci turunda Misirin 27 milyondan çox vətəndaşı iştirak edəcək. Misir parlamentinin Nümayəndələr Palatasının birbaşa səsvermə yolu ilə 568 üzvü seçiləcək. Onlardan 448-i müstəqil, 120-si partiya siyahısı üzrə müəyyən ediləcək. Parlamentin səlahiyyət müddəti 5 ildir.

AzərTac xəbər yayıb ki, seçkilərin gedişini ölkədə fəaliyyət göstərən məhkəmə korpusunun təxminən 16 min qulluqçusu və çoxsaylı müşahidəçilər izləyəcəklər. Misirin minlərlə polisi səsvermə məntəqələrinin təhlükəsizliyini təmin edəcək.