Ermənistan parlamentinin vitse-spikeri, Türkiyə ilə danışıqlar üzrə xüsusi nümayəndə Ruben Rubinyan Türkiyə-Ermənistan münasibətlərinin nizamlanması prosesi ilə bağlı Fransa səfiri Ann Luyoya hesabat verib.

Axar.az xəbər verir ki, bu barədə Ermənistan parlamenti məlumat yayıb.

Bundan əlavə, tərəflər Ermənistan-Fransa əməkdaşlığı, eləcə də regional proseslərlə bağlı bir sıra məsələləri müzakirə ediblər.

Qeyd edək ki, 2021-ci ilin dekabrında İrəvan və Ankara dialoq qurmaq üçün öz nümayəndələrini təyin ediblər. Ermənistan tərəfdən nümayəndə parlamentin vitse-spikeri Ruben Rubinyan, Türkiyə tərəfdən isə ABŞ-dakı keçmiş səfir Sərdar Kılıç olub. Onlar bir neçə görüş keçiriblər.