Rusiya Prezidenti Vladimir Putin Suriyada həlak olan iki rus hərbçisini və sağ qalan kapitanı təltif edib.

Axar.az xəbər verir ki, bu barədə Kremlin mətbuat xidmətindən məlumat verilib.

"Hərbi xidməti yerinə yetirərkən göstərdiyi qəhrəmanlıq, cəsarət və igidliyə görə polkovnik-leytenant Oleq Anatoliyeviç Peşkov Rusiya Federasiyası Qəhrəmanı (ölümündən sonra) adına layiq görülüb", - məlumatda bildirilib.

Bundan başqa kapitan Konstantin Muraxtin və matros Aleksandr Pozıniç (ölümündən sonra) hərbi xidmətlərini yerinə yetirərkən göstərdiyi mərdlik və fədakarlığa görə İgidlik ordeni ilə təltif olunublar.