Rusiya Prezidenti Vladimir Putin Yaxın Şərqdə ağıllı siyasət yürüdür.

Axar.az xəbər verir ki, bu sözləri amerikalı jurnalist Seymur Herş deyib.

"Amerikalılar bir şeyin fərqinə varmadılar. Sünnilərin yerləşdiyi Suriya, İraq və Liviya Qərbin müttəfiqləri idi. Biz bu ölkələrə müdaxilə etdik və hökumətlərini devirdik. Beləliklə biz ən qatı düşmənimiz olan İŞİD-ə və radikal sünnilərə yardım etdik. Suriya lideri Bəşər Əsəd daim ABŞ-la yaxşı əlaqələr qurmağa çalışdı. Suriya kəşfiyyatı da cihadçıların ABŞ və Qərbə qarşı hazırladıqları terror aktları ilə bağlı rəsmi Vaşinqtona məlumat verdi", - Herş bildirib.

Jurnalist onu da vurğulayıb ki, 11 sentyabr terror aktlarından sonra ABŞ Rusiya ilə əməkdaşlıq etməli idi:

"Ruslar cihadçıların yerlərini dəqiq bilir. ABŞ Rusiya ordusunun Suriyadakı müvəffəqiyyətinin fərqinə vardı. Amerikalılar Rusiya ordusuna, xüsusilə Rusiyanın Baş Qərargah rəisi Valeriy Gerasimova dərin hörmət bəsləyirlər".

Seymur Herş onu da əlavə edib ki, Putin Suriyada ağıllı siyasət aparır. Jurnalist Rusiya kəşfiyyatının dünyada ən yaxşı kəşfiyyat xidmətlərindən biri olduğunu deyib.