Bu prosesdə yeni bir mərhələyə başlamışıq, ancaq gedilməsi lazım olan uzun bir yol var.

Axar.az xəbər verir ki, bu sözləri Almaniya kansleri Angela Merkel Türkiyənin Avropa Birliyinə üzvlüyü ilə bağlı suala münasibət bildirərkən deyib.

Gələcəkdə irəliləyişin olmasına ümid etdiyini deyən Merkel Kipr probleminə toxunub:

"Müzakirə edilməsi lazım olan Kipr məsələsi var. AB ilə Türkiyə arasında yaxşı münasibətlərin olması vacibdir, xüsusilə indiki qlobal vəziyyətdə bu əlaqələr çox böyük əhəmiyyət daşıyır".

Merkel NATO üzvü olan Türkiyə və Almaniyanın ortaq problemlərlə birgə mübarizə aparmaq məcburiyyətində olduğunu bildirib.