Ukraynadakı ABŞ ordusu Ukrayna Silahlı Qüvvələrinə təlim keçmir, sadəcə maddi-texniki dəstək və silah təchizatına nəzarəti təmin edir.

Axar.az xəbər verir ki, bunu ABŞ Müdafiə Nazirliyinin sözçüsü Patrik Rayder bildirib.

"ABŞ ordusu Ukrayna daxilində yerli qüvvələrə təlim keçmir. Ukraynada bizim səfirliyin müdafiə sahəsində əməkdaşlıq ofisində az sayda iştirakımız var. Bu az sayda müşavirlər maddi-texniki təchizata dəstək verir, silahlanmaya nəzarət proqramında iştirak edir, monitorinqi təmin edir", - Rayder söyləyib.

Rayder əlavə edib ki, ABŞ Ukraynada hərbi müşavirlərinin sayını artırmaq barədə hələ qərar qəbul etməyib və həmçinin onların orada olma təhlükəsini qəbul edir.