Rusiya və Çin Tayvanın mümkün işğalı da daxil olmaqla, hərbi məsələlərdə daha sıx əməkdaşlıq edir.

Axar.az “Blumberq”ə istinadla xəbər verir ki, bu barədə ABŞ Senatının Silahlı Qüvvələr Komitəsində çıxışı zamanı Milli Kəşfiyyatın direktoru Evril Heyns deyib.

“Biz ilk dəfədir ki, Çin və Rusiyanın Tayvanla bağlı birgə hərbi təlimlər keçirdiyini görürük və bunun Pekinin açıq şəkildə Moskva ilə işləməsini istədiyi bir sahə olduğunu anlayırıq”, - o vurğulayıb.

Onun sözlərinə görə, ABŞ kəşfiyyatının hesablamaları Rusiya və Çin arasında bütün sahələrdə - siyasi, iqtisadi, hərbi və texnoloji istiqamətdə əməkdaşlığın artdığını göstərir.